देबराज गिरी
उदयपुरगढी, बैशाख १२
उदयपुरको प्रमुख धार्मिक पर्यटकीय स्थल मध्ये ताप्ली पोखरी पनि एक हो । यो पोखरी पर्यटनको हिसाबले प्रचुर सम्भावना भएको पर्यटकीय स्थल भएपनी प्रचार प्रसारको कमि साथै संरक्षणको कारण ओझेलमा परेको छ ।
ताप्ली गाउँपालिका वडा नं. २ नम्बर लेखगाउँमा अबस्थित यो पोखरी समुन्द्री सतह देखि करिब १८ सय मिटर उचाईमा रहेको यस पोखरीको लम्बाई ३२० मिटर र चौडाई ७५ मिटर रहेको छ ।
हरेक हिसाबले प्रदेश न १ का धेरै पर्यटकिय गन्तब्य स्थलहरुको दाजोमा उत्कृष्ट रहेको यो पोखरीबाट विश्वको सर्वोच्च शिखर सगरमाथा लगायत हिमालका हिम शृङ्खलाहरु धित मरुन्जेल नियाल्न सकिन्छ ।
स्थानीय बासी पुर्खाहरुको भनाईलाई आधार मान्दा मान्दा आजभन्दा करिब १५० बर्ष अघि सानो पानीखाने कुवा थियो र उक्त कुवामा पानी लिन एकदिन पाँच जना कन्याहरु गएका थिए तर उक्त कन्याहरु त्यही कुवामा अलप भएको हुदा यो पोखरी छेउमा पन्चकन्याको मन्दिर पनि रहेको छ । यो पोखरिको नाम पन्चकन्या पनि भन्ने गरेको एक स्थानीय अनिसा मगर बताउनु भयो ।
यो मन्दिरमा बलि नचडाई पनि आफुले चिताएको मनोकाङ्क्षा हुने साथै आफ्नो भाकल पूरा हुनेहरुले यहाँ एक पटक आएर दर्शन गर्ने गरेको मगरले बताउनु भयो । उहाको अनुसार यो पोखरीमा हरेक वर्ष नयाँ बर्षको दिन भब्य मेला पनि लाग्ने गरेको छ । खडेरीका कारण पानी सुक्न लागेको पोखरीको यस संरक्षणमा स्थानीय वासी र सरकारको ध्यान जान आबश्यक छ ।
खडेरीका कारण सुक्दैछ पोखरीको पानी
