उदयपुरगढी गाउँपालिका-७ मा माछा मार्ने क्रममा शुक्रबार खोलामा डुवेर एक जनाको ज्यान गएको छ । स्थानीय वलान खोलामा माछा मार्ने क्रममा खोलामा डुवेर उदयपुरगढी गाउँपालिका-७ का ४२ बर्षीय हेम बहादुर बुर्जा मगरको मृत्यु भएको हो ।
हिजो माछा मार्ने क्रममा बेपत्ता भएका मगरलाई जिल्ला प्रहरी कार्यालय उदयपुरको टोलीले खोजतलास गर्दा फेला नपरे पछि सशस्त्र प्रहरी बल नेपाल न. ५ गण हे. क्वा. त्रियुगा, उदयपुरका सशस्त्र प्रहरी निरीक्षक राम कुमार घिमिरेको नेतृत्वमा विपद् व्यवस्थापन तथा गोताखोर तालिम प्राप्त १३ जनाको टोलीले पानी जमेको खाल्डोमा २० मिटर मुनी दुई ढुङ्गाको चेपमा अड्किएको अबस्थामा शनिवार दिउसो १०ः४० मा शव फेला थियो ।
