राष्ट्रिय परीक्षा बोर्डले एसईई र कक्षा १२ को परीक्षा स्थगित गरेको छ। सोमबार बिहान बसेको बोर्ड बैठकले जेठ १३ गतेबाट सञ्चालन हुने एसईई र जेठ २६ गतेबाट हुने कक्षा १२ को परीक्षा स्थगित गर्ने निर्णय गरेको हो।
कोरोना भाइरस संक्रमण नियन्त्रणका लागि सरकारले उपत्यका लगायत देशको विभिन्न जिल्लामा लगाइएको निषेधाज्ञा जारी गरेको छ। कोरोना संक्रमण फैलन सक्ने भन्दै सरकारले विद्यालय र विश्व विद्यालयहरु यस अघि नै बन्द गरी भर्चुअल माध्यमबाट शिक्षण् सिकाई गर्न निर्देशण जारी गरेका छन्। आज बसेको बोर्ड बैठकले अर्को सूचना नभएसम्मका लागि दुवै परीक्षा स्थगित गरिएको हो ।
यसअघि यस वर्षको एसईई जेठ १३ गतेदेखि र १२ कक्षाको परीक्षा जेठ २६ देखि शुरु हुने तालिका थियो । अब परीक्षाको नयाँ मिति भने पछि मात्रै तय हुने बताइएको छ । अघिल्लो वर्ष पनि लकडाउनको कारण परीक्षा प्रभावीत भएका थिए ।
