निश्छल कार्की
कटारी,उदयपुर
उदयपुर कटारी नगरपालिकाले नगरका कृषक समूहहरु,कृषि सहकारी तथा कृषिहरु फर्मलाई मिनीट्रेलर वितरण गरेको छ । बुधबार एक कार्यक्रमकाबीच नगरपालिकाका प्रमुख मेयर ज्ञानेन्द्र श्रेष्ठले मिनीट्रेलर वितरण गर्नुभयो ।
नगरपालिकाको आर्थिक वर्ष २०७७/७८ को कृषि यान्त्रिकीकरण कार्यक्रम अन्र्तगत ७५ प्रतिशत अनुदानमा नगरपालिकाले कृषकहरुलाई मिनीट्रेलर वितरण गरेको हो । मिनीट्रेलर वितरण गर्दै मेयर श्रेष्ठले कृषकहरुलाई आत्मनिर्भर बनाउँदै अघि बढ्ने बताउनुभयो । विकासका कामसँगै कृषीलाई पहिलो प्राथमिकतामा राखेर नगर अघि बढेको छ । श्रेष्ठले भन्नुभयो -“निकट भविष्यमै नगरको पहिचानका लागि कृषकहरुलाई कृषक परिचय पत्र वितरण गर्ने तयारी गरिरहेका छौं ।”
नगरपालिकाका कृषि विकास समितिका संयोजक तथा वडा नम्बर ३ का अध्यक्ष रामबहादुर पोखरेलले आगामी दिनमा पनि कृषिलाई आधुनिकीकरण गर्ने काममा नगरपालिका लागिपर्ने बताउनुभयो । नगरपालिकाका कृषी शाखा प्रमुख सोनु मिश्रका अनुसार मिनीट्रेलरमा नगरपालिकाले ७५ प्रतिशत अनुदान व्यहोर्दा कृषकले २५ प्रतिशत लगानीमा मिनीट्रेलर पाएका हुन् ।
मिनीट्रेलर पाएपछी कृषकहरुले कृषि कार्यलाई थप सहज रुपमा अघि बढाउन सहयोग पुग्ने भन्दै खुसी व्यक्त गरे । नगरपालिकाले ९ एच पीको २७ थान र ७ एच पीको १५ गरि जम्मा ४२ थान मिनीट्रेलर वितरण गरेको नगरको कृषि प्रमुख सोनु मिश्रले बताउनु भयो
