१५ चैत्र २०७८
गाईघाट,उदयपुर जिल्लाको होटल आर एन गाईघाटमा कृष्णा फाउन्डेसनले उदयपुरको स्थानीय पत्रकारहरुको उपस्थितिमा पत्रकार सम्मेलन सम्पन्न गरेको छ ।
पत्रकार सम्मेलनमा फाउन्डेसनको तर्फबाट अध्यक्ष न सन्तोष कुमार चौधरीले फाउन्डेसनको परिचय साथै नेपाली विद्यार्थीहरुलाई भारतको राम्रा बिश्वबिधालयमा छात्रवृत्तिमा पढ्न जानको लागि सहजीकरण गर्ने, उच्च शिक्षामा विद्यार्थीहरुलाई कुन बिषय रोज्ने भन्ने परामर्श प्रदान गर्ने गरेको बताउनु भयो ।
कृष्णा फाउन्डेसनले भारतको ५ बिश्वबिधालयहरु VIT University, SRM University , Jain University , SYMBIOSIS International University र VIGNANS University मा नेपाली बिद्यार्थीहरुलाई छात्रवृत्तिमा पढ्को लागि जान सहजीकरण गर्ने गरेको र यी विश्व बिधालय बिश्वभरीकै विधार्थीहरु अध्ययन गर्न आउने फाउन्डेसनका कार्यकारी निर्देशक सुजित कुमार कर्णले बताउनु भयो ।
उक्त छात्रवृत्ति मार्फत बिद्यार्थी पढ्नकोलागि कृष्णा फाउन्डेसनमा आबेदन दिनु पर्ने र उक्त आबेदन दिने हरुको प्रबिणता तहको प्रप्ताङ्कको आधारमा छनौट गरिनेछ ।
नेपाली बिद्यार्थीको लागि भारतिय राजदुतावास मार्फत यो छात्रवृत्ति उपलब्ध गराईन्छ ।
उक्त फाउन्डेसन नेपालमा सन २०१३ मा स्थापना भएको र केन्द्रिय कार्यलय काठमाडौको नया बानेश्वरमा रहेको छ । अन्य नेपालको मुख्य शहर जनकपुर, बिराटनगर , बिरगन्ज र बुटवलमा शाखा कार्यलय रहेको छ । गाईघाटको बिधुतमार्गमा २०७९ को बैशाख देखि शाखा कार्यलय स्थापना गरिने चौधरीले बताए । फाउन्डेसन मार्फत हरेक बर्ष २००–३०० जना भारत पढ्न जाने गरेको र हालसम्म ५००० जना जति अध्ययन गरेर फर्की सकेका छन । अध्ययन गरिसके पछि भारत मै काम गर्ने वातावरण पनि रहेको छ ।
उक्त फाउन्डेसनमा उदयपुरको ४ युवाहरू अध्ययन गरि सकेको र उदयपुरको गाईघाट मै कार्यलय स्थापना भएपछि स्थानिय बिद्यार्थीहरुलाई राम्रो अबसर प्राप्त हुने भएको छ ।
