निर्वाचन आयोगले बैशाख ३० गते तय गरिएको स्थानीय तहको निर्वाचनको लागि मतदाता नामावलीमा फागुन २६ भित्र दाबी विरोध गर्न सुचना प्रकाशन गरेको छ ।
आयोगको प्रवक्ता शालिग्राम शर्मा पौडेलले फागुन १९ मा प्रकाशन गरेको प्रेस विज्ञप्तिमा मतदाता नामावलीमा रहेको त्रुटि सच्याउन,मतदाताको नामावली एकभन्दा बढी स्थानमा भएको भए एक स्थानमा मात्र कायम गर्न,झुटो विवरण दिई नामावलीमा नाम समावेश भएको भए सोको विरोधमा उजुरी दिन र मृत्यु भएका वा नागरिकता त्याग गरेका मतदाताकोे नामावलीबाट हटाउनका लागि सुचना दिन आह्वान गरेको छ ।
त्यसैगरी विज्ञप्तिमा आयोगमा दर्ता भएका १ सय ११ वटा राजनितिक दल मध्ये स्थानीय निर्वाचनमा सहभागि हुन निवेदन दर्ता गरेका ८० वटा दलहरुको निवेदन माथि सन्दर्भ जाँचवुझ गरि भै रहेको फागुन २६ भित्र नामावली प्रकाशन गरिने उल्लेख छ ।
मतदाता नामावली दावी विरोधका लागि सम्वन्धि पालिकाको वडा कार्यालय,निर्वाचन कार्यालय र आयोगको वेबसाइटबाट फागुन २० देखि २६ सम्म संचालन गरिने विज्ञप्तिमा उल्लेख छ ।
