मोरङका अलगअलग स्थानमा पानीमा डुबेर डेढ वर्षे नाबालकसहित दुईजनाको मृत्यु भएको छ । विराटनगर महानगरपालिका–१४ जतुवाकी फूलीयादेवी महतोका डेढ वर्षी छोरा राजकुमार महतोको नहरमा डुबेर मृत्यु भएको छ ।
प्रदेश १ प्रहरी कार्यालय विराटनगरका प्रवक्ता एसपी नवीनराज राईका अनुसार खेल्ने क्रममा घरनजिक रहेको नहरमा डुबेर आइतबार नाबालकको मृत्यु भएको हो ।
त्यस्तै मोरङे खोलामा डुबेर लेटाङ नगरपालिका–५ का १५ वर्षीय समुद्र राईको मृत्यु भएको छ ।
पौडी खेल्ने क्रममा खोलाको दहमा डुबेर आइतबार दिउँसो समद्रको मृत्यु भएको एसपी राईले बताए । प्रहरीले दुवैघटनाको अनुसन्धान भइरहेको जनाएको छ ।
