केही पाए अनि केही गुमाए जस्तो लाग्छ
हरपल नजिक तिमीनै आए जस्तो लाग्छ
तिमी मेरो हुन्छौ या अर्कैको हुनेछौ थाहा छैन ,
तर पनि मेरै कल्पनामा हराए जस्तै लाग्छ
लुकेर हेर्दा बिना अनुमती तिम्रा तस्वीरहरु,
तिम्रा आँखाहरुमा आफैलाई पाए जस्तो लाग्छ
जब जब फूलहरुमा देख्छुनी भमरा झुलेको ,
बगैचामा तिमीलेनै गीत गुनगुनाए जस्तै लाग्छ
सहनै गार्हो हुन्छ यो मनको ढुकढुकीलाई
जब मैले एकोहोरो माया लाए जस्तो लाग्छ
सुखदुःखको एउटा मिठो भोगाइ हो जिन्दगी
सायद हाँसो अनि आँसोको रोजाइ हो जिन्दगी
तिम्रो लागि सदैव भिड भएपनि , मेरो लागि
भिँडको जमातमा पनि एक्लो लडाइँ हो जिन्दगी
सदैव प्रगती एकैनासको नहुदा लाग्दैछ,
नपुरिने खाल्डाखुल्डीको गहिराई हो जिन्दगी
कति फरक छ यो जिन्दगिको परिभाषा पनि,
कसैमा अनमोल कसैमा, मोलाइ हो जिन्दगी
तुलाराज अधिकारी ( सन्तोष )
