त्रियुगा नगरपालिका‐१६ मा आज १० जनामा कोरोना संक्रमित थपिएका छन । शुक्रबार ७ महिला र ३ पुरुषमा संक्रमण पुष्टि भएको छ ।
वडाको बेल्दोभान, जाँते र सरस्वती क्षेत्रमा ज्वरो आएपछि हिजो ५ जनाको नमुना परिक्षण गर्दा ५ जनमै संक्रमण देखिएपछि वडाले आज स्वास्थ्यकर्मीको टोली आधारभूत विद्यालय बेल्दोवानमा लगी २३ जनाको परिक्षण गर्दा १० जनामा संक्रमण पुष्टि भएको छ । यो संगै हाल वडामा ९ महिला र ६ पुरुष गरि जम्मा १५ जना सक्रिय संक्रमित रहेको र संक्रमितहरु सबैलाई होम आईसोलेसनमै सुरक्षित ढंगले राखिएको वडा अध्यक्ष मान वहादुर राईले बताउनु भयो ।
वडाका अन्य ठाउँहरुबाट पनि ज्वरो आएको खबर आईरहेकोले सम्वन्धित निकाय संग समन्वय गरि परिक्षण र समस्या सामधानका लागि विशेष पहल गरेको राईले जानकारी गराउनु भयो ।
