बिरेन्द्र खड्का
उदयपुर
उदयपुरको सदरमुकाम स्थित त्रियुगा नदिमा शान्तिधाम गाईघाटको त्रियुगा वैदिक गुरुकुल पढ्ने बटुकहरुले २०७७ साल साउनको पहिलो सोमबारदेखि शुरु गरेको त्रियुगा वैदिक आरती दोश्रो बर्षमा प्रबेश गरेको छ । त्रियुगा खोलाको किनारमा २०७७ सालमा शुरु गरिएको महाआरती हरेक हप्ता सोमबार बेलुका जम्मा अघिल्लो बर्ष ५२ हप्ता नियमित गरिएको र आगामी दिनमा पनि निरन्तरता दिने शान्तिधाम गाईघाटका सचिब भुवन पराजुलीले बअताउनु भयो ।
हिन्दु धर्म अनुसार विशेष गरि महिलाहरू साउनको महिनाभरी सोमबार व्रत बस्ने भएकाले शान्तिधाम भित्र शिवलिङ्ग पनि स्थापना गरीएको छ । आज २०७८ को साउनको पहिलो सोमबार मात्र करीब ४०० जना धर्मावलम्बीहरु पुजा गर्न उपस्थित हुनुभएको सस्थाका अध्यक्ष गिरिराज खतिवडाले बताउनु भयो ।
शान्तिधाम गाईघाट २०६८ सालमा स्थापना गरिएको बहुधार्मिक आस्थाको केन्द्र हो । यो भित्र विभिन्न सरचना निर्माण बन्ने क्रम जारी नै छ । केही बर्ष भित्र स्थानीय सरोकारहरुको सक्रियतामा शान्तिधाम गाईघाट सुन्दर भुमि बन्ने छ।
