नेपाली कांग्रेस उदयपुरका प्रवक्ता तथा युवा नेता मदनराज कटुवाललाई पितृ शोक परेको छ ।
कटुवालका पिता वरिष्ठ समाजसेवी तथा राजनितिज्ञ ७७ वर्षीय दुर्गा बहादुर कटुवालको मंगलवार दिउसो उपचारको क्रममा मृत्यु भएको हो ।
स्वर्गीय कटुवाल पञ्चयातकालमा साविकको चिलाउने गाविसको तीन पटक प्रधानपञ्च र एक पटक क्षेत्रिय सदस्य भई हाल विभिन्न संघ संस्थाहरुमा सक्रिय भुमिका निर्वाह गर्दै आउनु भएको थियो ।
तिन छोरा,तिन छोरी, बुहारीहरु र नातीनातिनीहरु भएका स्वर्गीय कटुवाल हाल त्रियुगा नगरपालिक वडा नं. ८ साहिखोलामा बसोबास गर्दै आउनु भएको थियो ।
