नेपाली कांग्रेस उदयपुरको समन्वयमा उदयपुरगढी स्वास्थ्य चौकीलाई एक थान अक्सिजन कन्सनट्रेटर वितरण गरेको छ ।
कोरोना संक्रमणको रोमथामका लागि नेपाली कांग्रेसका युवा नेता तथा पूर्व स्वास्थ्य मन्त्री गगन थापाको पहलमा नेपाली कांग्रेस उदयपुरले विहिवार आज एक कार्यक्रमगरी उदयपुरगढी गाउँपालिकाको स्वास्थ्य चौकीमा १ थान अक्सिजन कन्सनट्रेटर हस्तान्तरण गरेको नेपाली कांग्रेस उदयपुरका सभापति विदुर बस्नेतले बताउनु भयो ।
नेपाली कांग्रेस पार्टी उदयपुरको सभापति विदुर बस्नेत तथा अन्य नेतागणहरुले उदयपुरगढी गाउँपालिकाका उपाध्यक्ष सानु कुमारी राउत र स्वास्थ्य चौकीका डा. संग्राम सिटौलालाइ हस्तान्तरण गरिएको थियो ।
कार्यक्रममा उदयपुरगढी गाउँपालिका वडा नं. ५ का वडा अध्यक्ष कुमार अधिकारी, वडा नं. ८ का वडा अध्यक्ष टंक श्रेष्ठ,सो क्षेत्रका नेपाली कांग्रेसका नेताहरु र विद्यार्थी नेता एल.वि. कार्की र लिल बहादुर बस्नेतको उपस्थित रहेको थियो ।
अक्सिजन कन्सनट्रेटर हस्तान्तरण गर्दै सभापति बस्नेतले “कोरोना भाईरस संक्रमण रोकथाम र नियन्त्रण साथै नागरिकको स्वास्थ्य सुरक्षाको लागी नेपालमा अक्सिजनको अभाव व्यहोरिरहेका कोभिडका बिरामीहरुलाई मदत पुगोस भन्ने उद्देश्यले हामीले अक्सिजन कन्सनट्रेटर हस्तान्तरण गरेका हौ ।” वताए ।
पालिकामा यस्तो किसिमको सहयोग कसैबाट नभएको र नेपाली कांग्रेस उदयपुरले गरेकोमा धन्यवाद ब्यक्त गर्दै, नेपाली कांग्रेस उदयपुर बाट प्राप्त कन्सनट्रेटरले आपत्कालीन अवस्थामा अक्सिजन कम भएका बिरामीको उपचारमा सहयोग पुग्ने र आगामी दिनमा पनि विकास र सामाजिक कार्यमा सहकार्य रहने उदयपुरगढी गाउँपालिका उपाध्यक्ष सानु कुमारी राउतले विश्वास गर्नु भयोे।
