काठमाडौं रेजर्स फुटबल क्लब नेपाल सुपर लिग फुटबलको फाइनलमा प्रबेश गरेको छ ।
त्रिपुरेश्वरस्थित दशरथ रंगशालामा सम्पन्न दोस्रो क्वालिफायरमा ललितपुर सिटी एफसीलाई ३–० गोल अन्तरले पराजित गर्दै काठमाडौं उपाधि नजिक पुगेको हो । अब काठमाडौंले पहिलो क्वालिफायरमा प्रतिस्पर्धा गरेको टोली धनगढीसँग प्रतिस्पर्धा गर्नेछ । काठमाडौंलाई जित दिलाउन मेसौके ओलोमोउले दुई गोल गरे । मेसौके जारी प्रतियोगितामा सर्वाधिक ७ गोल गर्ने खेलाडी पनि भएका छन् । यस्तै स्टेफेन बिनोङले काठमाडौं रेजर्सका लागि तेस्रो गोल गर्दै जित सुनिश्चत गरेका थिए ।
सेमिफाइनल खेलमा इमेर्जिङ् प्लेअर अफ द म्याच आसिस गुरुङले पाए भने। सुपर प्लेअर अफ दि म्याच मेसौके ओलुमोउले जितेका छन्।
धनगढीले काठमाडौंलाई अतिरिक्त समयमा २–१ ले हराउाँदै फाइनलमा स्थान पक्का गरिसकेको छ भने अन्तिम अवसरलाई सदुपयोग गर्दै काठमाडौं रेजर्सले पुन: धनगढीसँगको भेट पक्का गरेको छ।
फाइनल खेल यही जेठ १ गते साँझ ५:३० बजे त्रिपुरेश्वर स्थित दशरथ रङ्गशालामा हुने छ। यस प्रतियोगिताको विजेताले ३५ लाख रुपैयाँ प्राप्त गर्नेछन् भने उपविजेताले १५ लाख रुपैयाँ पाउने छन्। व्यक्तिगत विधाका सबै उत्कृष्ट र उत्कृष्ट युवा खेलाडीले जनही १ लाख रुपैयाँ पाउने छन् ।
