मेचीराजमार्ग अन्तरगत पाँचथरको हिलिहाङ ६ टाहारीमा आज बिहान ९ बजे भएको पिकअप दुर्घटनामा परेर २ जनाको घटनास्थलमै मृत्यु भएको छ ।
मृत्यु हुनेमा ताप्लेजुङ थेचम्बुका मिलन विष्ट र सीता अधिकारी रहेका छन् । ताप्लेजुङको थेचम्बुका लागि खाद्यान्न सामग्री लिएर जाँदै गरेको पिकअप पाँचथरको हिलिहाङ गाँउ पालिका ६ टाहारी नजिकै अनियन्त्रित भई पल्टिएको जिल्ला प्रहरी कार्यालय पाँचथरका सूचना अधिकारी डम्बर विश्वकर्माले बताए ।
