रौतामाई गाउँपालिका भुट्टार उदयपुरका अध्यक्ष गजेन्द्र बहादुर खड्काले बाल बिवाह न्यूनीकरण गर्नको लागि बिवाहको कार्डमा दुलही र दुलहाको जन्म मिति उल्लेख गर्ने काम आफ्नो घर बाट नै शुरूवात गर्नु भएको छ । उहाले आफ्नो छोरा रमेश खड्काको बिवाहको कार्डमा नै जन्म मिति उल्लेख गरेर नया कामको शुरुवात गर्नु भएको छ ।
रौतामाई गाउपालिकामा गाउँपालिकालाई नै बि स २०८१ सम्म बालमैत्री स्थानीय तह घोषणा गर्न लागिएको छ । त्यस अन्तर्गत विभिन्न संघ संस्थाहरुले र गाउँपालिकाको महिला बालबालिका तथा ज्येष्ठ नागरिक शाखाको पहलमा काम गरिरहेको छ ।
गाउँपालिकाले जाल्पा एकीकृत बिकास समाज उदयपुर र वर्ल्ड भिजनसगको सहकार्यमा यस अघि नै बाल बालिका सम्बन्धी ऎन २०७७ र किशोरकिशोरी सुरक्षा बिकास ब्यबस्थापन नीति २०७८ पनि बनाएर कार्यान्वयन गर्न थाली सकेको छ ।
रौतामाई गाउँपालिकामा जाल्पा एकीकृत बिकास समाज उदयपुरको उपेक्षा, दुव्र्यवहार , विभेद र हिसा विरुद्ध किशोरकिशोरीको सशक्तीकरण परियोजना अन्तरगत विभिन्न अभियानका कार्यक्रम संचालित छन । अहिले पालिकाको हरेक वडाका किशोर किशोरीहरु बाल विवाह न्यूनीकरणको लागि आफ्नो प्रतिबद्धता सहित स्थानीय सरकार सग माग सहितको ज्ञापन पत्र बुझाउने अभियान चलाई रहेको र यो काम ले माग सम्बोधन हुने आशा पलाएको एक किशोर लोक बहादुर बिकले बताए भयो । यो काम नयाँ सुरुवात भएको र गाउँपालिकाले हरेक बिवाहमा लागू गर्न सकेमा साँच्चै बाल बिबाह न्यूनीकरण हुनेछ, जुन काम गाउँपालिका अध्यक्षको घरबाट नै शुरु भइसकेको हुनाले चाँडै नै यो अभियानको रुपमा अगाडी बढ्नेछ र आगामी दिनमा सबैले लागु गर्दै जाने हो भने चाँडै नै बाल बिबाह मुक्त , बालमैत्री गाउपालिका बन्ने कुरामा बिश्वास रहेको बिकले जानकारी गराए ।
