देबराज गिरी
उदयपुरगढी, बैशाख १५
मदन भण्डारी राजमार्ग स्थित उदयपुरगढी गाउँपालिकाको नागबेलीमा आज दिउँसो ११:३० बजेतिर बोलेरो दुर्घटना हुँदा एक जनाको मृत्यु भएको छ भने एक दर्जन बढी घाइते भएका छन् ।
उदयपुरगढीबाट गाईघाट आइरहेको स १ च ९३९ नम्बरको बोलेरो पिकअप भ्यान दुर्घटना भएको हो । मृत्यु हुनेमा उदयपुरगढी १ ब्वाँसेका करिव ३५ वर्षका शिव खत्री रहेका छन् ।
कटुवालहरुको गाईघाटमा भव्य हुने देवालीमा सहभागी हुन आएको बोलेरोमा सवार खत्रीको निधन भएको हो, अन्य घाईतेहरुको थप उपचारको लागि ६ जनालाई न्युरो पठाइएको छ भने बाँकी घाईतेहरुको जिल्ला हस्पिटल उदयपुरमा उपचार भईरहेको जिल्ला प्रहरी कार्यालय उदयपुरका डिएसपी बेदप्रसाद गौतमले जानकारी दिनुभयो ।
सवारी चालक सोही गा.पा. १ बस्ने भीमबहादुर तामाङलाई प्रहरीले अनुसन्धानका लागि नियन्त्रणमा लिएको छ ।
