शंकर रिखाम मगर
उदयपुर, साउन २६
उदयपुरको रौतामाइ ७, मुर्कुचिको महिला हित केन्द्रको सभा हलमा विद्यालयको वर्तमान अवस्था र नमुना विद्यालय गुरुयोजना सम्वन्धी एक दिवसिय अन्तरक्रिया गोष्ठी नमुना विद्यालय मुर्कुचिको आयोजनामा सम्पन्न भएकोछ ।
उक्त एक दिवसिय गोष्ठिमा विद्यालय व्यावस्थापन समितिका अध्यक्ष फुलकुमारी आलेको अध्यक्षतामा सन्चालन गरिएको थियो भने प्रमुख अतिथि भरतवहादुर थापाले व्यानर वाचन गरेर कार्यक्रम उद्घाटन गर्नु भएको थियो ।
स्वागत मन्तव्यको क्रममा विद्यालयका प्राचार्य खड्गवहादुर थापाले विद्यालयको भौतिक, शैक्षिक र आर्थिक अवस्थाको वारेमा प्रष्ट पार्दै विद्यालयले ६० वर्षमा प्रवेश गरेको पनि जानकारी दिदै विद्यालयलाइ अझै सुनमाथी सुगन्ध वनाउन, कसरी नमुना विद्यालय वनाउने ? त्यसको लागि सवै तह, वुद्धिजिवि र विज्ञहरुवाट सल्लाह सुझाव आए राम्रो हुने बताउनु भयो ।
सितारा कन्सल्ट प्रा.लि. पाटनढोका ललितपुर काठमाण्डौका सिभिल इन्जिनियर सुशील श्रेष्ठका अनुसार विद्यालय भवन २, क्षात्रावास भवन २, कर्मचारी भवन १, व्यवस्थापन भवन १, ल्याव भवन १, पुस्तकालय भवन १ र शौचालय भवन १ गरि जम्मा ९ वटा ३–३ तले नयाँ भवन निर्माण गर्नको लागि गुरु योजना तयार गर्नुपर्ने बताउनु भयो ।
उक्त एक दिवसिय कर्यक्रममा रौतामाइको स्थानिय जनप्रतिनिधि, उधोग वाणिज्य संघ, समाजसेवी वुद्धिजिवी, संघ संस्थाक प्रतिनिधि लगाएत अभिभावकहरुको वाक्लो सहभागिता रहेको थियो ।
