मोटरसाइकलको ठक्करबाट कैलालीको टीकापुर नगरपालिका–१, टीकापुर पार्कमा एक महिलाको मृत्यु भएको छ ।
टीकापुर नगरपालिका १० बस्ने ६० वर्षीया पद्मा साउदको बुधबार बिहान ८ बजे नम्बर नखुलेको मोटरसाइकलको ठक्करबाट मृत्यु भएको हो ।
दुर्घटनामा गम्भीर घाइते भएकी उनलाई उपचारको लागि अस्पताल लैजाने क्रममा बाटोमै मृत्यु भएको ईलाका प्रहरी कार्यालय टीकापुरले जनाएको छ । दुर्घटनामा संलग्न मोटरसाइकलसहित चालक फरार रहेको र उनको खोजी भइरहेको प्रहरीले जनाएको छ ।
