यल्बी खाती ( बिस्वकर्मा )
रौतामाई गाउँपालिका
भुट्टार, उदयपुर
हिलो बाटो जताततै लडिन्छकि भन्ने डर छ,
हिड्नलाई गारो भयो यहि लठ्ठीको भर छ।
बाढी आयो खोलामा कसरी हो तर्ने,
साँझ पर्न लागिसक्यो अब के गर्ने ।
यो झरिको बेलामा नी कस्तो राम्रो फूल रहेछ,
कताजाने भनी अलमल्ल परेको तेहिमुनि पुल रहेछ ।
खहरेहरु उर्लिए देखाउने गरि चटक्कै
मान्छेहरुको आवतजावत हुन छाड्यो पटक्कै।
प्लाष्टिकको ओढ्ने बोक्नु रैछ घरमै साँचियो
चिप्लिएर लडिहालें छाता पनि भाचियो।
हेर्दा हेर्दै जान थाल्यो बाडि र पहिरो
तल पुगे ! हिड्दा हिड्दै बाटोमा खाल्डो रैछ गहिरो ।
