नारी दिबस

बलात्कारमा परेकिलाई कहिले आउँछ नारी दिबस
भुर्ण मै हत्या भएकिलाई कहिले आउँछ नारी दिबस

जस्लाइ तिमी वेश्या भन्छौ नि उनी तिम्री आमा हुन्
आफ्नै शरीर बेचेकिलाई कहिले आउँछ नारी दिवस

दाइजो नल्याएको निउँमा चरम यातना सहन नसकेर
मट्टीतेल छर्केर बसेकिलाई कहिले आउँछ नारी दिबस

जवानी मै श्रीमान मरेर सिन्दुर, पोते, चुरा अनि
भाग्य उनको फुटेीकलाई कहिले आउँछ नारी दिबस

घर भित्रै हुन्छिन् नारी हिंसा, बिभेद, शोषण ,अत्याचार
अन्याय सहेर बसेीकलाई कहिले आउँछ नारी दिबस

मासिक रजस्वला भए संगै अपबित्र हुन्छन् नारीहरु
छाउपडिमा सुतेकीलाई कहिले आउँछ नारी दिबस

आमा

तिम्रो यादमा तड्पिएर म पनि रुन्छु आमा
साँझ बिहान एकान्तमा आँसुले मुहार धुन्छु आमा

सानोभाई सानीबहिनि भन्दै होलान् दिदी खै
एक्लो हुँदा कोठा भित्र तिम्रो तस्बिर छुन्छु आमा

दायाँबायाँ कोहि छैनन् म बसेको गाँउमा
सँधै सँधै नेपथ्यमा तिम्रो आवाज सुन्छु आमा

सपना देखिरहन्छु तिमिसंङ संगै हाँसेको
काली भनी बोलाएको सम्झिएर गुन्छु आमा

तिमी जति म संङ करुणा त नहोला
अप्ठ्यारोमा साथ दिने तिम्रो लौरी छुन्छु आमा