सोलुखुम्बुमा हिउँमा चिप्लिएर सुमो दुर्घटना हुँदा तीन जना घाइते भएका छन् ।
आज विहान ११ बजे गोरा–टाप्टिङबाट सल्लेरी आउदै गरेको ना १ ज ६१७७ नम्बरको सुमो सोलुदुधकुण्ड नगरपालिका ७ भित्ताखर्कको भित्रि सडकमा हिउँमा चिप्लिएर दुर्घटना हुदा सुमोमा सवार तीन यात्रु घाइते भएका हुन् ।
सोलुदुधकुण्ड ८ का दिलिप मगर (बोल्न सक्ने), सोही ठाउँका राज कुमार मगर (बोल्न नसक्ने) र थुलुङ दुधकोशी १ नेलेकी सपना कार्की (बोल्न सक्ने) घाइते भएका छन् ।
उनीहरुको बाहिरी शरिरमा चोट नलागेको जिल्ला प्रहरी कार्यालयले जनाएको छ । दुर्घटनाबारे स्थानीयले खबर गरेपछि घटनास्थलमा प्रहरी पुगेको थियो । घाइते तीनै जनाको जिल्ला अस्पताल फाप्लुमा उपचार भइरहेको छ ।
